2022-ci ilin qadınlar arasında Avropa çempionatının 1/2 final mərhələsinin oyununda İngiltərə yığması İsveç millisi ilə qarşılaşıb.
“Terefsiz.az” xəbər verir ki, Şeffilddəki (İngiltərə) “Bremmel Leyn” stadionunda keçirilən qarşılaşma ingilis futbolçuların 4:0 hesablı qələbəsi ilə başa çatıb.
Matçın 34-cü dəqiqəsində İngiltərə yığmasının hücumçusu Bet Mid hesabı açıb. 48-ci dəqiqədə Bronz Midin ötürməsi ilə komandasının hesabdakı üstünlüyünü artırıb.
Görüşün 68-ci dəqiqəsində yarımmüdafiəçi Alessiya Russo İsveç yığmasının qapısına 3-cü qolu vurub. Qarşılaşmada son nöqtəni 77-ci dəqiqədə hücumçu Fren Kirbi açıb.
Beləliklə, İngiltərənin qadınlardan ibarət komandası Avropa çempionatının finalına yüksəlib. İngiltərə yığması finalda Almaniya-Fransa matçının qalibi ilə qarşılaşacaq.
